Срцето ми се крши кога гледам како нашите земји се распарчуваат, како нашите насмевки исчезнуваат. Скршените срца повикуваат за љубов, копнеат по мир, а патот за излез чиниш исчезнал. Околу нас само лудило, очај и тага. Може ли образот да се измие, рацете да се исчистат?
Секој ден умираат повеќе деца... Каква ќе биде нашата иднината? Дали оставаме празен свет полн со бес?
Ги слушам воздишките на децата... Нема повеќе да плачат. Нема повеќе. Ние сме едно под сонцето. Сите сме исти под кожа. Погледнете во нашите очи и срца, погледнете длабоко... во нашите души. Дозволете ни да ви ги земеме пиштолите и наместо тоа да ви подариме рози.
Дозволете ни да ги гледаме нашите синови и ќерки како растат. Дозволете љубовта да завладее!
Човештвото со векови на оваа планета бавно се губи - робови и раселени луѓе. Оваа планета станува сè помала од минута до минута. Национализмот не е расизам. Расизмот не е културализам. Националната култура е убава работа, тоа е верувањето, песните, среќата во душите на луѓето, танците, бојата и историјата на еден народ.
Ќе цветаме како цвеќиња, ќе даваме љубов и моќ на нашата создадена градина. Затоа, увото е за слушање, пораката за праќање, а раката за помагање. Сите заедно ќе блеснеме на сонцето. Да ги наполниме нашите чаши со прослава на животот. Да ја затвориме вратата на трагедијата. Не можеме да се вратиме во минатото, но во сегашноста да ги донесеме добрите работи кои треба да траат.
Да се поклониме со гордост, тоа не покажува слабост, туку почит да дозволиме нашите срца да растат поголеми на своето родно место. Да ги земеме децата за рака и да ги водиме низ ветената земја, каде што можат слободно да цртаат слики на љубов. Дозволете ни да тргнеме по нов пат кој води до светло утро, каде што смеата одѕвонува - збогум на тагата. Сите си требаме еден на друг, ние постоиме ако сме заедно. Ние можеме да бидеме херои за мир. Ти и јас ќе го бакнеме небото. Запомнете дека животот е краток.. Можностите летаат… Господ нека нè благослови сите со неговата мудрост и мир. Со божја љубов во нашите срца овие војни ќе ги победиме!
Наташа Стојковска
Comments