Медиумскиот клуб „Јоска“ при СОУ „Јосиф Јосифовски“ од Гевгелија изработи краток документарен филм за своите активности и работа во текот на изминатиот период. По идеја на Ѓорги Новаковски, монтажа на Никола Чакаров, во документарецот учествуваат членови од Клубот, а користени се и дел од материјалите што беа реализирани во текот на минатата 2024 година.
Драмската група „Дон Кихот“ при СОУ „Јосиф Јосифовски“ од Гевгелија во Народниот театар ја изведе театарската претстава „Буре барут“ на текст од Дејан Дуковски, а во режија на професорката Даниела Џишева.
Професорот Тони Аврамов, ментор на учениците-членови на новинарскиот клуб „Јоска“ и заменик уредникот и креатор на веб-страницата klubjoska.mk на клубот беа гости во утринската програма на Македонската телевизија. По покана на уредничкиот тим, во емисијата се зборуваше за досегашните активности на Клубот, како и за начинот на работење. Линк до емисијата: https://play.mrt.com.mk/play/572043
Новинарството е јавна професија, понекогаш многу тешка но и одговорна. Неговото функционирање се заснова на определени професионални стандарди, кои новинарите треба да ги почитуваат. Оние кои влегуваат во овие води – учениците треба да знаат дека новинарот мора да ги знае клучните зборови: слобода на изразување, слобода на критика, вистина, точност, чесност, одговорност, непристрасност, независност.
